ދިއްދޫގެ މި އާއިލާގެ ހިމޭން އެކަމަކު ވަރުގަދަ ލޯބި
ހއ. ދިއްދޫ- އަހަރެމެންނަށް މިރަށު ‘ނީލޯފަރުގެ’އަށް ދެވުނީ ވަރަށް ހާއްސަ ދުވަހެއްގަ އެވެ. އެއީ، އެގޭގެ އިބްރާހިމް ސައީދާއި އޭނާގެ އަންހެނުން، ޝަޒީނާ މުހައްމަދު ރަޝީދަށް ލިބުނު އަލަތު ދަރިފުޅު ހޮސްޕިޓަލުން ގެއަށް ގެނައި ދުވަހެވެ. މަރުހަބާ ކިޔަން ވަދެ ނުކުމެ އުޅޭ މީހުންނާއި މައިމީހާއަށް އަތްގާތްކޮށްދޭން އައިސް އުޅޭ ތިމާގެ ކުދިންނާ އެކު، ނީލޯފަރުގޭގެ ހުރިހާ ދިމާއަކުން ވެސް އެ ދުވަހު ފެނުނީ ހޭލަމޭލަކަމާއި އުފާވެރިކަމެވެ. އަހަރެމެން ވެސް އެތުއްތު ކުއްޖާ އުރާލައި، މަންމައަށް މަރުހަބާ ކީމެވެ. އޭގެ ޖަވާބު އޭނާ ދިނީ ހިނިތުންވުމަކުންނެވެ. އަދި އިޝާރާތުން،…
